Veðrið

Áskriftir í Veðrinu

Áskriftir

Áskrift í appinu er einföld leið til að styðja rekstur og halda þjónustunni gangandi.

Veðrið er flókinn rekstur í frítíma, það þarf að reka API-þjónustur, vefþjóna, lén, kortagögn, viðvaranir ásamt appi í iOS og Android. Áskrift hjálpar okkur að greiða fyrir þann rekstur á öllum þessum þjónustum og halda gögnunum opnum.

Það er engin skylda að vera í áskrift. Þú getur notað appið með auglýsingum og kjarnavirknin er sú sama. Virk áskrift fjarlægir auglýsingar og styður áframhaldandi rekstur og þróun.

Sækja í App Store Sækja á Google Play Hafa samband
Heimaskjár Veðrið appsins með lifandi veðurupplýsingum

Hvernig virkar þetta?

Apple eða Google.

Þegar keypt er áskrift í appinu sér Apple eða Google um greiðsluna, kvittunina, endurnýjunina og uppsögnina. Við fáum aldrei kortanúmerið þitt.

  • Á iPhone fer áskriftin í gegnum App Store og Apple reikninginn þinn.
  • Á Android fer áskriftin í gegnum Google Play og Google reikninginn þinn.
  • Þú stýrir áskriftinni sjálf/ur í App Store eða Google Play eða í appinu.
  • Þú getur sagt upp áskriftinni hvenær sem er.

Verðið

Staðbundið verð í App Store og Google Play.

Appið sýnir verðið sem App Store eða Google Play býður á þínu svæði. Apple og Google taka að jafnaði 15% þjónustugjald af áskriftartekjum samkvæmt gildandi áskriftarreglum, en hlutfall, skattar og endanleg uppgjör geta ráðist af verslun, landi og stöðu reiknings. Þar að auki greiðum við skatta og gjöld hér á landi af tekjum.

Framkvæmd greiðslu

Apple og Google eru greiðslu- og áskriftarvinnsluaðilar í appinu. Þau sjá um greiðsluna og halda utan um áskriftina.

Hlutur verslana

App Store og Google Play taka sinn hluta af verðinu áður en greiðslan kemur til okkar. Það sem eftir stendur fer í rekstur og áframhaldandi þróun.

Rekstur

Áskriftartekjur hjálpa til við að reka API, vef, gagnavinnslu, þjónustur og öpp.

Gögnin eru opin

Áskrift lokar ekki gögnin inni.

Við viljum að fólk geti byggt þjónustur á veðurgögnunum. API-ið er áfram frjálst til notkunar fyrir þau sem vilja prófa, tengja, byggja eða birta gögnin á öðrum stöðum.

API-skjölun Hafa samband

Spurningar

Vantar þig aðstoð með áskrift?

Ef eitthvað virkar ekki, sendu okkur línu og láttu fylgja með hvaða tæki þú notar, hvort þú ert á iOS eða Android, og hvað gerist í appinu. Mikilvægt er að senda notendanúmerið sem þú sérð í appinu undir Meira og Áskrift svo við getum séð hvað vandamálið er við áskriftir.